中国神人画家将高达、红渣古变门神

艺术世界好多时系睇创意，不时又会有人将传统风格跟卡通结合，最近有位内地画家，用高达同变形金刚主角创作出几幅门神作品。

画呢 4 幅作品位人兄叫张旺，佢在个人微博介绍自己系数字国画家、南开大学副教授，今次佢用中国传统门神作为概念，不过人物方面就将高达变成主角，正宗系左高达、右渣古，画面加埋绘画风格真系唔错嫁（唔睇高达慨小编都 Buy）～另外张旺兄都创作咗另外一套以变形金刚为主题慨门神作品，主角当然就系麦加登同柯柏文啦～

既然话明系门神，当然系要用来贴，所以最初放于淘宝有售，一套两张售 $30人民币，纪录指有百多人购买，成绩唔错。不过唔知系咪因为版权或者其他原因，两套画作都已经下架，有兴趣慨朋友就暂时都只能得个睇字。