桂林夜市今年冇得玩？

农历新年夜晚去深水埗扫街认真正，可惜今年可能冇呢支歌仔唱喇！大家近排有行过黄金、高登都见到，食环署贴咗大批黄色 Banner，讲明会严打无牌熟食小贩，往年超级旺场慨桂林夜市，系咪会成为绝响呢？

讲桂林夜市，大家可能唔知讲紧乜，但一讲深水埗扫街，相信大家都即刻明晒，即系过年夜晚黄金、高登对开马路慨一大堆小食档啰！呢堆小食档虽然系无牌，但话晒系过年，政府都会只眼开只眼闭通融几日。

之不过，今年情况有啲唔同，皆因民建联几个区议员早前投诉桂林夜市又阻街、又造成垃圾噪音之类问题，要求食环署严打咁话。食环署似乎又真系会做嘢，过年前已经喺黄金、高登对开马路边，贴出大批黄色 Banner，包括：切勿光顾无牌小贩、严厉取缔无牌熟食小贩等。讲到咁严厉，睇怕今年桂林夜市分分钟真系冇得玩喇。