庆祝到港1周年Uber$1卖啤酒仲送埋货

Uber 话咁快已经登陆香港一年，最近佢地又有新搞作，嚟紧星期六（3月28日）上午 12 点至晚上 10 点，以及星期日（3月29日）上午 12 点至晚上 6 点，佢地就特别提供“叫啤酒”服务，即叫即到仲会送上门，系时候干杯啦！

据官方介绍，今次“叫啤酒”服务每桶会有 6 支啤酒，$1 一支，一共 $6。每个 Uber 户口每日只可叫一次，同时只能送到非公共地方，即系私人地址先得，大家企响街度就唔得啦。另外，饮酒顾客必须年满 18 岁，据称有机会需要出示身份证明文件。官方又提提大家，如果第一次叫唔到，可以再耐心试试，事关一定反应热烈，供不应求咁话。