【攞你命3000】Barracuda集资生产科技旅人喼

《全力扣杀》入面，林敏聪讲咗个“太空喼”gag 笑破肚皮，乜嘢系太空喼？以前 70 年代初人类登陆月球属于太空时代，任何高科技产品都要加“太空”两只字，咁就会好好卖！最近 Kickstarter 有件好嘢：来自美国旧金山品牌 Barracuda 公开集资，将生产一款非常适合现代都市人慨高科技旅行喼，已经筹得超过 80 万美元，集收纳、扩充储物、USB 充电、随身工作台同追踪功能于一身，名乎其实攞你命 3000 版“太空喼”！

Barracuda 上 Kickstarter集资慨 Project，真正照顾一般需要经常公干慨朋友需要，例如拖喼时慨舒适顺畅、等上机时停低处理公事、揾位充电甚至返屋企收埋行李箱慨问题，佢都有细心谂过度过。

首先Barracuda慨手柄手握位系可以转动，即是拖行时系唔需要转动手碗，拖喼时舒适好多！

而 Barracuda 仲可以变身工作台，方便放 Nnotebook。

折台仲可以调教高度，唔使将行李箱放上大腿当台用。

内置蓝牙同会开发专用 App 追踪行李箱，算系防盗功能吧。

最方便慨系行李箱系有内置 USB 充电位，真系可以当工作桌面㗎，不过航机寄舱唔可以带电池㖞，咁咪一定要 Hand Carry 啰？

你咪理，有个太空喼真系引到不少艳羡目光，机会慨嘢真系话嚟就嚟！

用完返屋企仲可以将行李箱折叠收纳，比一般手提行李箱悭足 80% 厚度，放梳化底都冇问题！

Barracuda原本都系以 2 万美元作为开发成本，而家已经筹到超过 80 万美元，超额 40 倍都仲未完成！整个计划仲有大约 9 日就截止，想快人一步做呢个太空喼股东就去 Kickstarter 做善长喇！

网址：Barracuda@Kickstarter

官方介绍影片：