带你睇澳门游戏博览

今日编辑Jack过咗去澳门，并冇去大三巴观音像同妈阁庙睇优美景致，更唔系去玩两手，而系去咗“澳门游戏博览”（Macau Amusement Expo 2015），亲眼睇睇梳打埠搞ACG有几好玩！

澳门游戏博览系由澳门电玩、旅游、玩具等业界合作搞慨活动，今年系第一届，向威尼斯人金光会展览馆举行。虽然系第一届，不过成个博览都已有一定规模。今年最大主题系玩怀旧，现场展出唔少骨灰级主机作展览，同时亦有打机比赛、Cosplay 舞团表演、桌上游戏比赛，最特别系大富慨澳门区选拔赛。成个展都几热闹，加上场地又靓又正，行到饿又可以去附近揾地方食嘢，对唔少动漫迷来讲都可以讲系一个好节目。

“澳门游戏博览”明日（7月12日）就系最后一日，想知佢哋明日仲有咩好节目，可上佢哋 FB睇睇，听日过去行个转玩返日啦！

澳门游戏博览官网：http://maeexpo.com/index.html 

Cosplay表演阵容都几鼎盛，最正系台下班观众，系会跟住跳。

主题展览部分就系呢啲骨灰级怀旧电玩主机喇。

除电玩，仲有模型展，不过展出慨唔系大家常见慨方式，而系融合咗3D视觉特效慨展出手法，好正架！ 

有唔少人自制各式动漫精品于场内贩售，当然唔会话好平，合理价啦。 

除旧主机，仲有旧街机免费任打。

向香港想买风火轮唔易，场入面就有一档有卖，仲有得试玩添！

点解会有单车卖？其实呢个 Booth 系玩模拟实况单车赛，卖单车当然系顺便。 

由国内一家动漫出版公司将部 FIAT 500 改成一部痛车。

咁大个展，Show Girls 当然唔少得啦！