高达降临时代广场率先睇！

话咁快万众期待慨 1:3 飞翼高达 (Wing Gundam)已经登陆铜锣湾时代广场 2 楼大堂，为 8 月  1 日开骚慨高达展“Gundam Docks at Hong Kong II”做好准备。今次呢只飞翼高达有成 9.8米高，大约有商场两层楼高，飞翼上亦印有“Gundam Docks at Hong Kong II”字样，在半空俯瞰众生，即刻人人都变成蚁侠般渺小。迟下开展后都会有同款慨 RG 飞翼高达零式 EW Ver. GUNDAM docks at Hong Kong II 卖，定价 $250 港元。

时代广场外慨钟楼亦都已经变身成为 3 米阔绿色渣古 MS-06F II，现场所见渣古只眼啱啱好对正对面马路慨大型灯箱广告牌，灯箱闪下闪下，就好似渣古对眼识发光眨下眨下咁，差少少以为佢会企起身爬出嚟。建议大家企远两条马路影相，效果好啲又唔洗拗到条颈都痛埋。