【细如笔电】日研全球最细电动车WalkCar

早前 Lexus 研发慨磁浮滑板型到出烟，睇到人咬晒毛巾恨不得即刻拥有一块，可惜只系概念品不设零售；今次轮到日本发明慨新品，电动车可能听落唔系咩创新科技，但全球最细慨电动车，售 100,000 日元（折合约港币 $6,210），心唔心动先？

呢部名为“WalkCar”慨电动车由日本科技公司 Cocoa Motors 开发，号称全球最细电动车，采用铝制造，官方无提供呎吋，只声称仅笔电般大，重 2 至 3kg，轻便易携，分为户内版及户外版。WalkCar 可承载 120kg，速度有每小时 10 公里，快过行路少少啦；充电 3 小时后可以行 12 公里。由影片所见，WalkCar 上斜落斜、急煞等等都冇问题，企上去就自动前进，跳落黎就立即停车；甚至企系 WalkCar 上面再推住货上斜路都轻轻松松邓梓峰，悭返唔少脚骨力呀！

Cocoa Motors 预计今年 10 月起在 Kickstarter 上进行集资，WalkCar 售价约 100,000 日元起（折合约港币 $6,210），2016 年春季起发货。潮子（懒人）要留意啦！

来源: 路透社