【波牛必储】NBA2K17推高比封面版LegendEdition

高比可否不要老～歌就咁唱，但高比拜仁终于喺 4 月 14 日早上最后一次代表洛杉矶湖人主场出赛，圆满告别 20 年慨 NBA 球员生涯。知啦知啦大家都好唔舍得高比仔，成个 Facebook 同 Instagram 都一直畀高比洗紧版，就连 2K Sports 都趁机宣布，将会推出特别版 Legend Edition，由高比拜仁担正大旗做封面，呜呀今次唔玩都要买嚟纪念吓啦。

NBA2K17 Legend Edition 包括一张限量版高比拜仁海报、手掣贴纸、两张高比游戏卡；以及其他数码内容如 30,000 虚拟货币、2K 高比 XI 球鞋、球衣及卫衣等等。今次已经系高比第二次成为 NBA2K 慨封面主角，对上一次系 2K10；高比仲话好开心可以再次同 2K 合作：“虽然我要离开球场，好开心粉丝仍然可以延续我喺湖人慨生涯。”游戏将于 9 月正式推出，现时正于美加地区预售，定价 80 美元（折合约港币 620）。