【POKÉMONGO】全部都系鸡点解仲要捉？10招教升Lv育成劲宠
玩 Pokémon GO 咁耐，大家成日都会研究边只精灵劲啲，仲会计埋 CP 值，但一只精灵到底点为知“劲”慨精灵？见到低 CP 慨“鸡”同“公厕蝠”系咪就唔捉？就等达人 Zero 教路。
1. 捉小精灵要准？关左 AR 佢喇！
虽然依只 Game 系话玩埋 AR，但其实佢个 AR 真系弱弱地，如果您要认真玩，关埋佢仲好。好似捉小精灵果阵，如果开左 AR，佢就有机会出现系画面任何一个地方。但如果关 AR，佢就一定系中间喇！
2. 掷精灵球要拉西！？
唔好笑住，真慨！游戏入边当您按实个波果阵不停用手指画圈，精灵球会变为自转，依个时候掷精灵球会有西，变为曲线。传闻话会易捉 D，我唔确定，但会多 10XP，就系真慨。
3. 每次爆开精灵球都要重新喂食 Razz Berry！
游戏道具 Razz Berry 系用黎喂比 D 小精灵食， 等到训练员可以易 D 捉到佢我谂大家都知！ 但系好多人都以为喂一次就得～ 其实每次爆开精灵球之后， 你都要重新喂佢食一次， 咁样个好感度先有效用。
4. 唔好拣精灵嚟捉
每捉一只小精灵都可以得到 100 个 Stardust 同 3 粒同名 Candy，Stardust 系重要到极点，佢系用嚟强化慨！由一开始 200-300 强化一次，到后期 2,000-3,000 不等！所以就算只小精灵唔啱心水，都比个面捉咗佢喇⋯反正都要升 LV 㗎喇。
5. CP 值高低系其中一个强弱参考
想知一只小精灵系劲定废，新手计睇个 CP 值就算喇！越高当然系越劲，野生小精灵慨 CP 由 10 至几百几千不等。训练员等级越高，野生见到慨小精灵 CP 都会越高。
6 . 越轻身慨小精灵先系越劲！？
小精灵慨强弱有个好复杂慨系统去计算，例如 Attack、Defence、Stamina 呢啲无显示慨数值！但普遍嚟计，越轻身慨小精灵先系越劲，佢哋成长后慨能力同 CP 都会高啲。
7. 训练员等级最重要
训练员等级会直接影响遇见野生小精灵慨 CP 值，连本身已经捉左慨小精灵 CP 上限都会提高，所以疯狂升级啦！！捉一只未见过慨小精灵有 600XP ，挑战道馆就有 100-300XP 不等。
8. 小精灵应先进化、后强化！
同以前玩 Gameboy 唔一样，Pokémon GO 系唔使满级进化架！所以遇到想要慨小精灵，应该进咗化先，再决定强唔强化。因为每次进化佢本身慨两招技能都会随机重抽！笔者就试过升完 3 只启暴龙而因为错技果断重练⋯
9. 记住要孵化小精灵蛋！
游戏中可以孵化慨小精灵蛋有三种，分别系 2KM、5KM 同 10KM，只要你行够足够距离，佢就会孵化出小精灵，而三种蛋分别又可以孵化出唔同进化阶段慨小精灵，通常 2KM 就系初阶，会有 2 次 进化，10KM 就系无得再进化慨版本（当然都会有例外）。
10. 用越多Candy 进化唔代表越劲！
游戏入边小精灵要进化就需要用到 Candy ， 不过每只要用到慨数量都唔一样。 普遍阶段一升阶段二慨小精灵就要用 25 粒， 阶段二进化阶段三就用 100 粒， 有 D 特例好似鲤鱼王咁，就要用到 400 粒！ 不过用几多粒都唔代表进化后慨宠系劲定废！ 纯粹只系一个需求。
