【粉红精灵狂出现】PokémonGO情人节搞桃色活动

你仲有冇玩《 Pokémon GO 》呢？NIANTIC 迟迟都唔正式推出第二代精灵，真系搞到玩家冇晒心机玩，今日仲要因应情人节就到，推出活动更新，整条街都充满粉红色精灵，到底系攞景赠兴，定想吸引返啲人玩呢？

如果你仲好似笔者咁，每日都会开一次 Pokémon GO ，就会发现今日要更新先玩到。原来香港时间由今日至 2 月 16 日凌晨 3 时，哩个 Game 会提高粉红色精灵出现的机会，啫系包括皮皮、波波球、小呆兽、大舌头同吉利蛋呢啲“确实”是粉红色精灵会不停出现。如果你本身讨厌粉红色的话，忍一忍都要继续玩，因为捉到精灵、送俾博士同埋行路攞糖的数量会倍增，而且呢段时间用一个 Lure Modules 洒花器可以维持 6 小时，吸引返玩家去玩。第二代精灵例如皮皮 BB（Cleffa）、小波球（Lgglybuff）同迷唇娃（Smoochum）等，都增加咗孵到机会。如果你对 Pokémon GO 仲有爱，就唔好错过今次机会喇。

来源：Pokémon GO