导航：手游大全 > 游戏资讯 >

免费打机打足3个钟正都CAPCUS电竞道场开幕直击！

发表于：2024-05-18 作者：游戏编辑

编辑最后更新 2024年05月18日，想知道用唔同慨电脑硬件打机，可以有咩唔同慨画质体验？但门市太多人，好难企喺示范机度玩好耐？不如行过一、两个街口，去一去正都新开张慨“CAPCUS电竞道场”啦～

想知道用唔同慨电脑硬件打机，可以有咩唔同慨画质体验？用 GTX1060 或者 AMD Ryzen CPU 打机系咪真系流畅㗎？相信唔少有呢个谂法慨朋友，都已经试玩过脑场门市慨几部示范电脑。不过门市人流太多，又好难玩耐啲试清楚，唔够喉咁。不如行过一、两个街口，去一去正都新开张慨“ CAPCUS 电竞道场”啦！一个人 Book 场就可以免费玩足 1 粒钟，如果你哋系电竞队想揾个靓地方练习，又或者系几个 Friend 一齐玩，团队申请重可以免费玩到 3 粒钟添！

“正都 CAPCUS 电竞道场”位于深水埗福荣街 181 – 183 号，喺黄金电脑商场麦当劳嗰边，过马路去对面钦州街 7-Eleven 便利店，再往嘉顿面包方向行一个街口，转弯直行就到，由脑场行过去大概只需 3 分钟。其实就正正位于正都电脑客户服务中心（即维修 / 工程部），帮衬过正都砌机慨朋友，一定去过嗰度攞机，所以位置其实超近脑场，非常方便。通常电竞主题慨商铺，都系装修得黑漆漆，但 CAPCUS 电竞道场就一反电竞界常态，反而用咗浅色木屋嚟划分打机区域，衬返外面落地大玻璃慨设计，俾阳光透进室内，小编呀粗觉得咁样比较奂然清新，打机都打得精神啲啦～

话到明系电竞道场，当然有 5 部电竞级电脑，咁大家先可以组队玩 LoL 吖嘛。呢 5 套电脑都有 RGB 七彩灯光，例如系机箱（连内里硬件）、屏幕、 Keyboard 、 Mouse 、甚至系 Mouse Pad 都有，电竞感十足。重要系全部电脑都用机械式键盘同 AOC 曲面电竞屏幕，大家重可以试下电竞凳添～硬件配置都几好，CPU 有 Intel i5-8400 、 Intel i7-8700K 、 AMD Ryzen 5 1600X ，嚟到呢度试玩就知道用 AMD CPU 打机都唔错～RAM 就 5 部都有 16GB（包括 KLEVV 同 Corsair），主板就由 ASRock 提供，而显卡方面就有 GALAX 慨 NVIDIA GTX1060 、 GTX1070 同 GTX1080Ti，每部机都有个牌仔写住里面用咩规格㗎。游戏方面，电脑就预载咗《英雄联盟 League of Legends 》、《绝地求生 Playerunknown’s Battlegrounds （ PUBG ）》、《战舰世界 War of Warships 》、 Steam 、 Windows MR 等，款式多多，重设有 MR 头戴装置添。

问及开设 CAPCUS 电竞道场慨原因，正都老板就表示：“我哋希望可以带出个讯息，原来砌机系可以砌到咁靓，用强劲慨规格打机，的确真系有较好慨体验，证明正都砌慨机都系真材实料，品质优良。”另一发言人亦表示：“因为之前都有啲电竞队问有冇场地可以借嚟练习，所以就启发咗我哋开设电竞道场。”

其实正都电竞道场已于 3 月 8 日开幕，所以大家睇完呢篇报导就可以即刻 Book 场㗎啦～ Book 场好简单，只需赞好正都 Facebook 同 Felton Distribution Facebook 专页，然后喺 Google Form 上填写个人资料同预约时间，之后就会收到正都慨 Email 同埋电话确认预约㗎啦。一人申请限时玩 1 个钟，3 – 5 人团队申请就可以玩 3 个钟，费用全免，详细资料请参考下图～