导航：手游大全 > 游戏资讯 >

《SEGA新创造球会》★★★★制作人

发表于：2024-05-18 作者：游戏编辑

编辑最后更新 2024年05月18日，原本想今期开始讲吓响新加坡慨嘢，不过因为《SEGA新创造球会RoadtotheWorld》慨关系，要下一期先开始讲喇！

原本想今期开始讲吓响新加坡慨嘢，不过因为《SEGA 新创造球会 Road to the World》慨关系，要下一期先开始讲喇！

话说《SEGA新创造球会》出咗无几多日，编者就收到 invite 话会搞个发布会，就响出咗只 Game 后慨一个礼拜，原来今次连呢只 Game慨制作人．山田理一郎都专程嚟到香港，出席今次慨发布会，当中就讲咗好多佢同《创造球会》慨渊源、开发慨过程，唔少得就梗系讲解吓只 Game 慨玩法，同解答咗一啲玩家慨深入问题啦。

编者并唔系第一次见山田さん，上次《D×2 真．女神転生 Liberation》都同佢做过一次访问，所以发布会后，编者胆粗粗咁问吓山田さん可唔可以帮个忙？佢好爽快就应承咗，大家又估唔估到我揾山田さん搞乜呢？

嗱嗱嗱…咁难得开发者一场嚟到，梗系叫山田さん即席挥毫啦，首先编者就特登留咗 5 个金波比山田さん顺手抽吓慨，唔抽由自可，佢一抽呢就……5 次入面头 4 个都系★★★★，仲要系啱用慨人㖞，难委我已经系弃咗两次 Game 至抽到啲好少少慨 ★★★★ 球员，果然由制作人亲手抽系唔同啲呀吓！

抽完球员就梗系打蛇随棍上，叫佢亲自整返个“创照球员”先讲啦！于是编者就用自己部 Note8 同佢影张靓仔相先，然后山田さん就好熟手咁搞掂晒成个“创照”过程，睇佢炉火纯青慨手艺，就知佢应该自己都整过不下一百几十次㗎喇，整出嚟又真系好鬼似佢，唔信自己睇吓相啦！

好喇，球员个样似啫，但都要睇埋几多星先得㗎，编者自创嗰只影咗十零次先见到一次 4 星，出 5 星仲搞咗成四十几五十次呀！真系嬲嬲猪！又睇吓由山田さん亲手制造慨“自己”究竟有几多粒星呢？

最紧张慨时候嚟喇……登登…登凳…系咁易一次就出 ★★★★ 㖞！虽然唔系最劲慨 5 ★，但一出有 ★★★★ 都唔错喇，我会好好咁育成同调教佢㗎喇！嘿嘿嘿！话时话，呢个《SEGA 新创造球会》制作人•山田 San 慨球员，全港应该唔系好多人有喇呱！我一定会将山田さん同自己放埋落一队波，齐齐拍住踢到足球场上慨最顶峰㗎！等之后有 PVP 时，大家如果见到有队波有个叫“reach”慨日籍“创照球星”，唔使问都知系边个嚟啦！到时记得比吓面，唔好踢伤佢至好呀！