通常一只 game 系得慨，间厂一定唔会放过佢，肯定会系咁出续作，出到烂为止！但凡事都会有例外，被誉为 Microsoft 近年最佳收购慨《 Minecraft 》似乎行紧另一条路。
近日《 Minecraft 》慨话事人喺一个访问就提到：“我哋希望《 Minecraft 》可以变得比而家更真实、更有意义，而唔系透过出新版本嚟延续，况且《 Minecraft 》发展空间仲系好大。”听落佢系暗示紧现阶段冇必要推出《 Minecraft 2 》，同时佢亦有提及如果出新版本，同旧版本慨过渡做得唔好，对游戏会造成极大影响。
不过唔出正统续作唔代表 Minecraft 呢个 IP 就冇新作出，《 Minecraft: Story Mode 》已经可以长做长有（虽然 Telltale Games 已经冇可能再出到 game ⋯⋯），下年又会出《 Minecraft: Dungeons 》for PC ，咁睇呢一刻又真系冇乜必要咁快出《 Minecraft 2 》。
