一再延期！《绝体绝命都市4》延至11月底推出

“命里有时终须有，命里无时莫强求。”如果我用呢句嚟形容《绝体绝命都市 4 》，相信好多人都会认同我 lol 。

呢集“邪” game 原定系 2011 年 3 月 10 号推出，不过因为开发问题，喺同年 2 月 22 号宣布延期，但最恐怖慨系嗰年慨 3 月 11 号，即系原定发售日慨后一日，发生咗日本有纪录以嚟第一个过 9 级慨地震，伤亡只系仅次二战⋯⋯

由于故事背景同 311 地震太过相似，为免令人触景伤情， Irem 喺地震慨三日后就宣布停止一切《绝体绝命都市 4 》慨开发，同时头三集慨数位版即时下架，最终连 Irem 喺 2013 年后就冇再出过 game 。

以为呢只 game 永远都出唔到世啦，点知 Granzella 喺 2014 底收购《绝体绝命都市》慨版权，重启《绝体绝命都市 4 》慨开发。原本就预定今年 10 月 25 号出，连台风“飞燕”、北海道地震都整唔死佢，点知㖊日佢哋静静鸡改咗个发售日期去 11 月 22 号，有传系因为之前啲试玩差到吓亲人，所以要多少少时间开发。