《PokèmonGO》团体战全变耿鬼！？唔开game都可以孵蛋？

唔知系咪因为《 Pokèmon Let’s Go 》就出，《 Pokèmon GO 》呢排真系好多新嘢出！第一样要讲慨系“团体战大挑战”，呢个活动会喺香港时间 11/3 11:00~14:00 举行，喺呢三个钟里面所有团体战慨 boss 都会变成耿鬼，有机会遇到慨系 shiny 版！另外，玩家喺当日最多可以攞到 5 张免费团体战入场券。

第二样要讲慨系“时时刻刻冒险”，呢个新功能系俾玩家喺唔使开 game 慨情况下可以继续储孵蛋同 Buddy Pokèmon 慨步数。玩家可以透过“时时刻刻冒险”可以同 iOS 慨“ Health ”app 或 Android 慨“ Google Fit ”连动，传送你慨运动数据去《 Pokèmon GO 》，完成到每周目标、确认每个礼拜行咗几多公里，就可以换算返奖励步数。

顺带一提，早两日《 Pokèmon GO 》已经公布咗 11 月社群日慨相关资讯，将会喺香港时间 11/10 11:00~14:00 举行，对象系火球鼠，活动期间 catch xp 同 stardust 都会两倍，独有招式暂未公布。