必买！《任天堂明星大乱斗特别版》最新参战角色、单人模式公开
任天堂喺㖊晚（ 11/1 ）释出最新一期《任天堂明星大乱斗 特别版 Nintendo Direct 2018.11.1 》，公布更多大乱斗慨新消息，最瞩目慨应该就系最新慨参战角色、 DLC 同新模式。
《街霸》 Ken 、《 Pokèmon 》炽焰咆哮虎参战！
先讲新角色，首先会有嚟自《街霸》慨 Ken ！
其次会有嚟自《 Pokèmon 》慨炽焰咆哮虎！
加入这两个角色后，《任天堂明星大乱斗 特别版》本篇总共会有 74 个可用角色！
早期购入特典 《 Mario 》食人花！
新角又点止咁少！《 Mario 》食人花将会作为早期购入特典俾玩家免费下载，不过呢个角色唔会一开始就有，预计喺游戏正式发售慨 1-2 个月内推出
DLC —— Fighter Pass
另外官方亦公布咗喺本篇推出后，会再有 5 个角色推出，呢 5 个角色将会以 DLC 形式推出，每组角色套装将包含角色、场地及多首 BGM 。玩家可以独立购买每组角色套装（日版： ¥602 +税，美版：US$5.99 ，约港币 $42-47 ），或者直接购买包含全 5 组角色套装慨 Fighter Pass （日版：¥2,500+税，美版：US$24.99 ，约港币 $174-196）。从售价看来，长远来说日版比较抵玩。
“ Spirits ”系统登场！
喺呢集大乱斗将会有“ Spirits ”系统，总共会有 59 个 Spirits 角色！每个角色都可以放一个 Primary Spirit 同三个 Support Spirit（有啲角色会占两个位）， Primary Spirit 会增加角色， Support Spirit 会增加角色慨可用技能。
玩家打赢 Spirits Battle 就会随机获得 Spirit 角色， Spirit 角色会有强弱之分，同时亦都可以进行强化，想清楚啲睇返最顶嗰条片啦！（08:11 开始）
连线对线系统
游戏会支援 Local 对战以及 Online 对战。
喺 Wii U 慨大乱斗会分 For Fun 同 For Glory 模式，嚟到 Switch 版将会整合为一个模式，新增自定义规矩，每场 Online 对战将会随机以其中一个玩家慨自定义规矩进行。
为咗令玩家可以有一个稳定慨连线，系统会尽量配对邻近地区慨对手畀你。
Online 对战会有一个排名分数 Global Smash Power（ GSP ），系统会配对分数相约慨对手畀你，当你慨 GSP 够高就可以进行 Elite Battle 。
更详细都系睇返最顶嗰条片！（16:55 开始）
单人模式
已经系第三次全世界收皮，死剩卡比 ww ，玩家要不断挑战唔同 Fighters 慨邪恶化身去解放佢哋慨灵魂。（首歌真心正！）
Amiibo
大乱斗最呃钱慨地方就系会出一堆“实体课金”Amiibo ，嚟紧将会有 10 只 Amiibo 预定推出。
《任天堂明星大乱斗 特别版》将于 12/7 喺 Nintendo Switch 独家推出，游戏支援繁体中文。
