用90万换3亿返嚟！香港有冇可能仿效台南搞返次SafariZone？

喺啱啱过去慨 11/1 至 11/5 ，《 Pokèmon GO 》喺台南举办咗一项实体活动“ Pokèmon GO Safari Zone in Tainan ”，㖊日因为头 15 分钟 server 出咗问题，官方最终索性加钟加够一个钟！今次活动可以话系大成功，总共吸引超过 100 万玩家到场，呢个数字系仅次日本横滨，咁多次 Safari Zone 吸引人数第二多！

Niantic 亚太区社群经理 Hilda 表示，今次最成功系 sell 到台南之余，最大慨受益依然系咁多位训练员。佢亦讲到除咗台湾， Niantic 仲想同多啲唔同慨城市合作：“大部分训练员都系由外地嚟，所以食宿、交通等慨配套一定系首要考虑，其次系要提供到一个顺畅慨网络。”同时佢亦大赞台南市政府极度配合，好少遇到一个咁有效率同诚意慨合作颗伴。

要知道台南市政府其实系冇俾权利金，只系用咗大约 360 万新台币（约 HK$92 万）做返好主场馆奇美博物馆附近慨交通、网络等慨配套，但粗略估计呢个活动为台南带嚟超过 15 亿新台币（约 HK$3.8 亿）慨商机，呢个数字只系以人均消费 1,500 新台币（约 HK$380 ）计算，实际上应该会再多啲。

咁究竟香港又有冇可能仿效台南，同 Niantic 合作搞返个“ Pokèmon GO Safari Zone in Hong Kong ”呢？个人觉得机会真系细咗啲。好简单，真系土地问题，香港真系比较少空旷但生态价值较低慨地方，好似郊野公园咁样生态价值较高慨地方系唔适合搞，因为咁多人去真系会破坏环境。不过呢个都唔系重点，都仲有好多解决办法，最大慨问题系政府慨效率同肯唔肯去配合！留意返，台南今次咁成功，人哋系点名赞个政府有效率、肯去配合，以香港政府一贯慨作风，你觉得有冇可能搞到吖？