真系唔好挑战“最强法务部”！开网站放任天堂游戏ROM判罚1,200万美金

相信会睇呢篇文慨大部分人都一定有接触过模拟器，不过我哋玩得开心，啲游戏厂见到就好唔开心，其中任天堂甚至系最维护自家版权慨厂商。而喺今年 7 月就有一对夫妻俾任天堂提告侵权，最终需要赔偿超过 1,200 万美金⋯⋯

事缘呢对夫妻实际上之前系经营“ LoveROMS.com ”同“ LoveRETRO.co ”两个网站，其中系有提供任天堂旗下作品慨 ROM 俾人下载，甚至系有营利。任天堂喺今年 7 月就向亚利桑那州联邦法院提告，指以上两个网站侵权。坦白讲，面对最强法务部真系冇胜算可言，呢两公婆都淆底即时认罪，并且即时关闭其中一个网站，而另一个就冇再提供任天堂作品慨 ROM ，现时两个网站都已经关闭。经过几个月慨协商，双方最终达成协议，呢对夫妻要向任天堂支付 1,223 万美金（约港币 $9,659 万）赔贘。不过有传呢个数只系做俾人睇，吓下其他有提供 ROM 下载慨网站，实际慨赔偿金额系细好多。