PS4收音咪“踢爆”强奸过程其他玩家听到即报警！
发表于：2024-05-13 作者：游戏编辑
编辑最后更新 2024年05月13日，相信大部分人部PS4都系用嚟打机，但你有冇谂过你明明玩紧只犯罪game“犯紧事”，居然有机会揭发真实世界慨罪行呢？讲紧慨系FOX最近报导咗一单靠PS4收音咪“踢爆”慨强奸犯案过程。
相信大部分人部 PS4 都系用嚟打机，但你有冇谂过你明明玩紧只犯罪 game “犯紧事”，居然有机会揭发真实世界慨罪行呢？讲紧慨系 FOX 最近报道咗一单靠 PS4 收音咪“踢爆”慨强奸犯案过程。
今年 6 月喺美国佛罗里达州发生咗一单 18 岁男子强奸一名年仅 15 岁少女慨案件，被踢爆慨原因系当时疑犯部 PS4 开紧《 GTA Online 》，成个过程俾个咪收哂音，有玩家听到有女性凄厉慨喊声同不断嗌唔好，所以就决定报警。而呢位疑犯 Daniel Fabian 同时系背紧一单“对 12 至 16 岁人士作出淫亵及不雅行为 ”慨官司喺身。
其实今次唔系美国第一次靠家居影音装置“踢爆”犯案过程，新罕布什尔州喺月头就有法官喺审理一单双重谋杀案慨时候，下令 Amazon 提交案发地点慨 Echo 喺案发当日同前一日慨完整录音， Amazon 最初曾表示如果冇有效而有约束力慨法律要求的话，佢哋系唔会交出有关音频数据。
现时未知游戏厂商或者其他游戏直播平台有保留呢宗案件慨案发音频纪录。
Source：FOX 、 arsTECHNICA
