老老豆豆，《 Pokémon GO 》就已经出咗两年，仲有玩慨（唔计最近先回锅慨朋友）相信对于打道馆同团体战都应该有返咁上下经验，而大家期待已久慨 PvP 对战就出喇，只要扫描对方慨对战 QR code 就可以对战！
每次对战各派三只小精灵出场，对战分三种：“ Great League ”每只小精灵最高 CP 唔可以超过 1,500、“ Ultra League ”每只小精灵最高 CP 唔可以超过 2,500、“ Master League ”冇任何限制。公平起见，双方必须选择同一个 League 。无论赢输，双方喺对战后都可以获得奖励，有机会攞到“神奥之石”等慨进化道具。
对战除咗大家熟悉慨一般招式同特殊招式之外，只要用星尘同糖就可以解锁第二招特殊招式！另外，仲新增咗一个叫“防御网”慨东东，可以用嚟抵挡对方慨一般招式，不过有使用次数限制。正常嚟讲，玩家只可以同附近慨训练员对战，不过只要达到“麻吉好朋友”级别慨好友就可无视呢个限制。
另外，大家系可以揾队长练习，只要揾佢哋对战就可以攞到星尘或者其他强化道具，每日限攞一次。累积指定练习次数就可以获得精英训练家奖牌。
