C&C手机版《终极动员令：宿敌》极轻度评测

都讲咗一排慨 C&C 手机版《终极动员令：宿敌》喺今日终于正式上架，如果你谂紧 down 唔 down 嚟试下慨话，就要睇下以下慨轻度评测。

Redwood Studios 总经理表示：“过去数月来，我们成功让《终极动员令》成为全球热门话题，举世玩家引颈以待，炽热气氛令人振奋。我们每日与社群成员一起进行《终极动员令：宿敌》的游戏，大家携手合作，努力把这个作品的乐趣和平衡度提升到最高。”睇落好似几乐观咁，但实际上喺玩家层面大部分人都系抱住“冇期待就冇失望”慨心态，始终大家都好担心落到手机都只会系迫大家课金。

讲返少少 C&C 慨背景先：呢个即时战略游戏系列曾经创下辉煌慨成绩，喺 2009 年时系列发行量超过 3,000 万套。而手游版亦以近未来为背景，分为拥有高科技慨全球防御组织（ GDI ）同行动迅速慨 NOD 兄弟会两大势力。正如其他即时战略一样，都系有个基地，要挖矿储钱、起设施、起兵，混合步兵、坦克、战机同巨型战具，目标就系打残所有对手。

此外，游戏好重视玩家对战，厂方会举办独家周末对战活动 Rivals Champions ，不同等级慨玩家会被配对作赛以提升等级。玩家表现得愈出色，获得慨战利品就愈丰富。

不过呢只《终极动员令：宿敌》虽然个皮系大家熟悉慨 C&C ，但骨子里根本系另一只 game。

有别于以往，手游版 C&C 双方慨基地喺左右两方，中间有个核弹炮塔，占领咗一定时间就会发射核弹攻击对方基地，打爆对方基地就赢。以前解锁唔同兵种、车种系透过起唔同慨设施嚟升级军力，不过呢只手游就系透过通关或者课金嚟攞宝箱，宝箱里面会有兵种同车种卡片，第一次拥有嗰张卡片就可以解锁嗰个兵种或车种，之后再攞到就用嚟升级。

诶⋯⋯系就系有挖矿，起防御炮塔慨元素，不过细佬都系 buy 以前喺电脑玩开嗰种模式多啲，玩唔玩就自己决定喇！

下载《终极动员令：宿敌》

iOS 版：按此
Android 版：按此