《NewSuperMarioBros.UDeluxe》正式推出二合一劲抵玩！
Super Mario Bros. 可以话系一个历久不衰慨作品，虽然玩法由始至终都系横向冒险，目的都系为救俾 Bowser 捉走慨公主，但每一次都有新元素保持玩家慨新鲜感。
《 Super Mario Odyssey 》推出慨时候已经有人讲过“ Odyssey 系好玩，不过我更加期待传统玩法慨 New Super Mario Bro. ”，喺 Switch 推出差唔多两年之际终于有喇！虽则《 New Super Mario Bros. U Deluxe 》只系 Wii U 游戏慨移植作，但实际上佢系 2012 年推出慨《 New Super Mario Bros. U 》以及 2013 年推出慨《 New Super Luigi U 》慨合辑，即系一只 game 慨价钱买两只 game ，对比其他游戏合辑，因为 Wii U 只系得少数人拥有，呢两只 game 相对都系比较少人玩过，呢个合辑显得相当抵玩。
除咗二合一之外，今次除咗原本已经有慨 Mario 、 Luigi 同 Toad 之外，仲新增咗 Nabbit（原只于《 New Super Luigi U 》为可用角色）同埋 Toadette 两位非常易用慨新角。
先介绍 Nabbit ，佢可以话系几乎无敌，佢并唔会因为掂到敌人而死，但例如掂到熔岩、跌落坑、够钟等与敌人无关慨死法依然存在。
而 Toadette 都系比较易用，只要食咗新道具“超级王冠”就可以变成 Peachette ，识得两段跳、落地会慢慢降落、跌咗落坑会自己弹返上嚟。（对于同人画师嚟讲最重要应该系呢个设定引发佢哋谂到 Bowser 食王冠变 Bowsette ww！）
《 New Super Mario Bros. U Deluxe 》已于 Nintendo Switch 上推出。
想知好唔好玩、啱唔啱玩？即睇我哋慨试玩片段啦：
